~..يوميات عليا...~الجزءالثالث عشر

    شاطر
    avatar
    ★..RORO..★
    عضو متميز
    عضو متميز

    الاوسمة
    عدد المساهمات : 252
    نقاط : 17178
    تاريخ التسجيل : 09/12/2010
    العمر : 23
    الموقع : JusT riGht hEaR

    ~..يوميات عليا...~الجزءالثالث عشر

    مُساهمة من طرف ★..RORO..★ في السبت ديسمبر 25, 2010 4:56 am

    ^^الجزء 13^^


    يوم الجمعه
    الصح نشت عليا وشافت الساعه كانت الساعه 9 نشت مع انها كانت سهرانه البارحه وشافت ميثا وهي تنش شافت ميثا عليا وعليا تشوفها سارت عليا الحمام وسارت ميثا حجرتهم تلبست عليا وتعدلت وطلعت ويوم نزلت لقت ميثا يالسه في الصاله وزاخه موبايلها
    عليا(( اكيد ببتصل في هزاع حسبي الله عليج يالسباله))
    ميثا: الو هزاع يلا حبيبي نش ههه يلا انا تحت اترياك سارت عليا تربع صوب المطبخ قبل لا يشوفها هزاع ولا تشوفها ميثا(( سباله حبيبي اونه والله العظيم ها ويهي جان خليتكم تتهنون يالسبلان تتحرون كل حد راقد وانتي يا ميثا تتحريني برد ارقد لا غناتي اشوف شو بتسوون ))
    شافت عليا هزاع ينزل من الدري وهو يربع سار الصاله
    هزاع: مرحبا مرحبا
    ميثا: مرحبتين هههه
    عليا(( لا ما اتحمل ما بخليه يقولها ولا كلمة بطلع لهم من المطبخ وبيلس))
    طلعت عليا من المطبخ وانصدمو يوم شافوها تم هزاع يشوفها وميثا بعد وهزاع كان يشوف عليا لان هاي اول مره يشوفها بدون شيلا وبعد ما صبغت شعرها وقصته
    كانت عليا رافعه وحده من حياتها وتشوفهم: مرحبا مرحبا
    عقد هزاع حياته وهو يشوف عليا يعني سمعتنا بس نحن ما قلنا شي وهي من متى واعيه وشو موعنها وشو تقصد من هالحركه
    هزاع وميثا: مرحبتين
    يلست عليا وتمت تطالعهم وميثا تطالعها
    هزاع: ليش واعيه الحين شو موعنج؟؟
    عليا: شو والله الي معونك انته انته شو موعنك
    تم هزاع يطالعها: انا الي اسالج
    عليا: وانا رديت
    تم هزاع يالس ويشوفهم وميثا تشوف عليا بطريقه وهي مستانسه لانها يالسه تخرب عليهم
    عليا: شو بلاكم ليش جيه تطالعوني ما احب هالنظرات لو سمحتو
    هزاع: شوو منو الي يطالعج
    عليا: اسال عمرك
    هزاع: لا الاه الا االله
    عليا: محمد رسول الله
    هزاع: اوووووف
    عليا: شو؟
    هزاع: ماشي
    شافو يدتهم وهي تنزل من الدري
    عليا(( ويه بطيح بطيح ))
    شاف هزاع يدته وسار يربع صوبها: يدوه انتي ليش تنزلين روحج شوفي كنتي بطيحين
    اليده: شو اسوي من ساعه وانا واعيه ومحد واعي عسب ينزلني وانا ما كنت ادري انكم واعيين
    هزاع: هيه
    عليا(( يا سلام الحين بتي الساحره وبتيلس ))
    يت يدتهم ويلست
    اليده: انتي يالسه
    عليا لا واقفه: هي يالسه
    اليده: هيه انتي تعرفين بالي سويتيه امس
    عليا لا فقدت الذاكره عيل بس انتي تعرفين: هيه اعرف
    هزاع: يدوه طبي سالفة امس خلاص لا تعيدونها السالفه
    اليده: هيه
    عقدت عليا حياتها(( هاي مب صاحيه والله ما اظني انها صاحيه حتى ما تعرف ترمس ولا كيف ترد))
    هزاع: يدوه ما تبين تتريقين
    اليده: لا حليلها من زمان ما شفتها تعرفها انت
    نقعت عليا من الضحك
    هزاع: شو منو اعرف؟؟
    اليده: ها ليش تضحك مسودة الويه وانت تقول انك تعرفها وعقب تقول منو؟؟
    عليا: لا تيلسين كل شوي تقولين لي مسودة الويه الحمدالله انا مب مسودة ويه احد الحمدالله
    هزاع: عليا بس عاد
    عليا: والله حاله وسارت عليا
    عقب نشو الحريم وعالساعه 11 وعو الشباب كلهم عسب يتسبحون ويتريقون عسب يلحقون على صلاة الجمعه وعقب ويوم يردون من الصلاة يردون بيوتهم
    نشو الشباب ونشو البنات وسارو الشباب المسيد وعقب تمو الحريم يلمون قشارهم وعليا يالسه في الصاله تشوفهم وتضحك عليهم لانهم كانو يشلون القشار ويطلعونه ردو الشباب من المسيد ويلسو كلهم في الصاله وعليا يالسه عند عمها
    وفهد: ها خلصتو ولا بعدكم؟؟
    ام فهد: يلا خلصنا وخلو الشباب يشلون القشار ويحطونه في السياره
    وعقب ما خلصو طلعو كلهم
    بوفهد: يلا نفس مايينا بنرد
    سارو كلهم يركبون السيايير
    هزاع: يلا الشيخه اركبي
    عليا: ما بيلس عدالك ما ابا
    هزاع: اقول يلا عن الحركات
    عليا : لا ما بركب عدالك
    هزاع: علياااااااااااااااااااا يلا عاااد
    ما سوتله عليا سالفه وركبت ورا
    تم هزاع يطالعها وهو مغيض
    ام عبدالله: بوفهد ما عندنا نحن الحين مكان هنيه الحين اميه ويانا
    بوفهد: خل ميثا تركب في وحده من السياير
    تم هزاع يطالع عليا: ميثا تعالي عندنا نحن عندنا مكان
    بوفهد: عندكم؟؟
    هزاع: هيه هادف سار ويا قوم سعيد
    سارت ميثا وهي طايره من الفرحه
    هزاع وهو يرمس عليا: ما بتيلسين جدام ميثا بتيلس
    على طول نزلت عليا وهي طايره وركبت جدام وقفلت الباب والي في السياره ناقعين من الضحك نزلت شوي من الدريشه: قصورها بعد تحلم انت وهي تخسون ورفعت الدريشه وهي مغيضه وهزاع يطالعها يت ميثا وبطل لها هزاع الباب ويلست وركب هزاع وتحركو
    وفي الدرب
    كانو سلامه وميثا يرمسون والريم وعويش واليهال الي ورا عد يلعبون رواحهم وعليا يالسه تشوف الدرب
    هزاع: عليا فجي السده
    عليا: ليش؟؟
    اطالعها هزاع: فجي السده
    فجت عليا السده : شو تبا
    طلع هزاع سيدي من السده وشغل المسجل
    وكانت غنية عيضة مالك عذر
    وتمت عليا تغني وياه (( مالك عذر لو تعتذر ما عذرناك يكفي رجا لا ترتجي من يجافيك ان كانت الفردوس في كف يمناك القلب صار ابعد من كفوف اياديك))
    وغير هزاع الغنيه
    عليا: ليييييييييييييييييييييييش؟؟
    هزاع: كيفي
    عليا: سخيف واحد
    هزاع: وانتي سخيفتين
    عليا:هاهاهاهاه سخيف
    هزاع: مب اسخف منج
    وحط غنية راشد الماجد
    ميثا: الله انا احب هالغنيه(( متكبر علينا))
    هزاع وهو يعلي الصوت: يعني ما ودك تجينا يعني متكبر علينا
    عليا وهي تغير : سخيفه هالغنيه
    هزاع: رجعيها
    ميثا: ليش
    عليا: لا كيفي كيفي ما ابا
    وقف هزاع السياره وصد صوب عليا
    هزاع: انتي شو بلاج اليوم من الصبح وانتي تعاندين شو مشكلتج
    عليا: ما عندي مشاكل
    تم هزاع يطالعها ورد يسوق(( هي بلاها اليوم والله مب صاحيه يعني هاي حالة اتيها والله مب عليا هاي مستويه خريشه ومرتبشه اشوفهها))
    شلت عليا نظارة هزاع ولبستها وشكلها كان يضحك
    عليا وهي تضحك:ههههههههه فديتني وتمت تغني لانهم كانو حاطين غنية الجسمي(( هب من الشرق نسناس وعاد قلبي يبيهم حبهم ساكن الراس وميت(ن) موت فيهم))
    صد هزاع صوبها وضحك (( لا والله مب صاحيه)) الي في السياره كلهم مستغربين من حركات عليا شو بلاها اليوم
    هزاع وهو يوقف عند بقاله صغيره في الدرب
    هزاع: شو تبون؟؟
    عليا: ابا فيتامين سي وابا كاكاو
    هزاع: وانتو الي ورا؟؟
    عويش: جبس كاكاو حلاوة ماي
    الريم: أي شي حلو
    ساره: بي وياك
    خليفه:ييب كاكاو وديو وكل شي انا واحمد نبا نفس الشي
    هزاع: وانتي ميثا
    عليا: يعني الي بتيبه بناكله خلاص سير ييب الي تباه
    تم هزاع يطالعها: ميثا شو تبين
    عليا: اوووف
    ميثا: حليب فراوله
    عليا: اونها
    تم هزاع يطالع عليا وعليا مب مسويتله سالفه
    هزاع: يلا ساره
    سارت ساره عند اخوها ودخلو البقاله وبعد خمس دقايق طلعو
    ركب هزاع السياره وركبت سارة
    تم هزاع يعطيهم الي طلبوه وعقب عطاهم جيسه فيها حلاوه وجبس وكاكاو
    هزاع: ها كاكاو مالج والفيتامين
    عليا: ماباه عطهم خلهم ياكلونه الي ورا
    هزاع: شو هالحركات بعد اول شي تطلبين والحين ما تبين
    عليا: ما ابا خلاص غيرت رايي الي ورا بيشربون الفيتامين والكاكاو بياكلونه
    شلت عويش من ايد اخوها الفيتامين والكاكاو
    ورد هزاع يسوق ويشرب الفيتامين سي ماله وعليا كانت ساكته وتشوف الدرب
    هزاع: اوووووووووووه من نحاستج ضيعت
    صدت عليا صوبه: محد منحوس غيرك
    ساره: اللله ناقه
    نزل هزاع الدريشه وتمو يشوفون الناقات وسارت ساره ويلست جدام عند اخوها وهي مستانسه عالناقه
    وقف هزاع عند ناقه
    ساره: اعطيه جبس
    هزاع: عطيه هههههه
    دخلت الناقه راسها في السياره وتمو هزاع وساره يضحكون
    عليا: سكر الدريشه سكرررررررر ولصقت عليا في باب السياره لاااااااا طلعو راسها
    عويش: هزاع: طلع راسها من السياره
    ميثا: ايييه اخاف
    سلامه تطالع الناقه وهي مستانسه واحمد وخليفه ومستانسين
    عليا: وعععععععععع مقرف طاع حلجه ييييععع وغمضت عيونها طلعو الناقه
    يا راعي الناقه وشل ناقته وهو يضحك
    هزاع: شو هالمصاخه بعد حليلها الا هي ناقه
    وكملو دربهم ووصلو ميثا وعليا طول الوقت وهي تسب شوي وتعق رمسه شوي وهزاع مستغرب منها
    عقب وسارو بيتهم لانهم من الي عرفوه ان بوهادف هناك نزلو من السياره
    دخلو البيت ولقو الكل يالس سارت عليا حجرتها وغيرت لبسها ونزلت
    تغدو وعقب الغدا تمو يسولفون ويضحكون رقد هزاع من التعب وسارت عليا حجرتها ترقد لانها هي بعد تعبانه
    نشت عليا الساعه 4 ونص وسارت وصلت صلاة العصر ويوم نزلت ما لقت حد في الصاله غير هزاع الي كان راقد سارت عليا تشوفه ولقته راقد وشكله تعبان رن التلفون وردت
    عليا:الووو
    ميثا: الووو
    عليا: عنبو تونا مفارقين ويهج المنحوس يعني ما بتخلينا نرتاح شوي حسبي الله عليج وسكرت التلفون
    ردت ميثا تتصل وعليا تسكر في ويها وترد تتصل وتسكر في ويها لين ما تعبت ميثا من عليا
    دشت عويش الصاله: متى نشيتي
    عليا: الحين من شوي
    بطلت عويش التلفزيون وحطت على نغم وتمو هي وعليا يشوفون الوادي وهم ناقعين الضحك
    عويش: شلون تمشي الحمسة
    عليا: تمشي جذي
    عويش وعليا:هههههههههههههههههههههههههههههههههههههههههههه ههههههههههههههه
    يت ساره ويلست وياهم وتمو يشوفون
    ساره: شلون تمشي الحمسه تمشي جذي ونشت ترقص
    عليا وعويش:هههههههههههههههههههههههههههههههههههههههههههه ههههههههههههههههههههههههههه
    عويش: شلون تمشي الحمسة
    ساره: جذي جذي
    عليا وعويش:هههههههههههههههههههههههههههههههههههههههههههه هههههههههههههههههههههههههههههه
    عليا: أي بطني هههههه
    نش هزاع من حشرتهم وتم يطالعهم وهم من شافو هزاع سكتو وهم يدرون ان هزاع بيذبحهم لانه موعينه
    هزاع: الساعه كم؟؟
    عويش: خمس ما ادري خمس الا ربع
    نش هزاع وسار يصلي وعقب رد وانسدح
    سارة وهي سايره صوب المطبخ: شلون تمشي الحمسة تمشي جذي جذي
    نقعو عليا وعويش من الضحك:هههههههههههههههههههههههههههههههههههههههههههه ههههههههههههههههههه
    استغرب هزاع: شوو الخمسة شو تقول شو هالغنيه بعد جذي جذي اونه
    عويش وعليا:ههههههههههههههههههههههههههههههههههه
    وردت ساره وكانت بعدها تغني بس هالمره ترقص بعد
    ساره: شلون تمشي الحمسة تمشي جذي جذي جذي وهي ترقص رقصة غريبه
    عويشوعليا:هههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههه
    ضحك هزاع عالاغنيه والرقصه:هههههههههههههههههههههههههههههههههههههههههه ه
    سارت ساره فوق وهي بعدها تغني وترقص
    هزاع: شو هالغنيه والرقصه
    عويش: ها الاغنيه كان يغنيها هذا مال الوادي مشاري البلام وحفظتها ساره والحين كل شوي وغنت ورقصت بعد بس الرقصه من تاليفها هههههههههههههههههه
    ضحك هزاع ورد وانسدح:اااااااااااااه عويش تعالي همزي لي ريولي
    عويش: طاع هذا شيب من الحين وبعد حد قالكم ان عويش همازه
    عليا: عويش شو واهههههههههههههههههههههههههههههههههههههههههههههههه ههههههههههههههههههههههه
    هزاع:ههههههههههههههههههههه شو همازه من وين يايبه هالكلمه اول مره اسمعها
    عويش: الي تهمز ريول الناس شو يسمونها هههههههههههههههههههه
    هزاع: ماشالله على خواتي وحده تالف رمسه والثانيه رقصه ماشالله عليكم
    هزاع: عليا تعالي همزي لي ريولي الثانيه
    عليا: هيهيهي احلم خل ميثا تهمز لك ريولك وسارت نش هزاع وهو مغيض
    هزاع: هاي شو بلاها اليوم صدق بديت اغيض طول الدرب وانا متحملنها شو هاي
    عويش: خلها كيفها ما يخصك فيها
    نش هزاع ولبس كندورته وتسفر وطلع ركب سيارته بس شاف شي على سيت السياره شاف شغابات وساعه وعرف انها لعليا
    هزاع: طاع الغبيه عاقه اشياها ما برده بشوف شو تسوي ركب هزاع السياره وسار صوب بيته وهو في الدرب تذكر الغنيه(( شلون تمشي الحمسه تمشي جذي)) ههههههههههههههه تم هزاع يضحك
    وسار بييته ويوم دخل الصاله تذكر عليا يوم كانت تيلس على هالكرسي ودوم كانو يتضاربون عليه لان جريب من التلفزيون ومريح وحلو ابتسم وهو يتذكر شكلها وهي تضحك وهي مغيضه وهي تسب وهي تحرطم
    حرك هزاع راسه عسب يطلع هالافكار من مخه ودش يتسبح
    في بيت بوفهد
    ام فهد: عليا عويش بتون الجمعيه
    عليا: هيه
    عويش: هيه
    نشو عليا وعويش يلبسون عبيهم وشيلهم وشافتهم سلامه وتلبست لانها بتسير وياهم
    في الجمعيه
    ام فهد: انا والبشكاره بنسير نشتري لحم وانتو سيرو اشترو الجبن انزين
    البنات: انزين سارو البنات صوب الجبن
    وكانت ميثا هي وامها في الجمعيه ويوم شافتهم سارت تربع صوبهم
    ميثا: السلام عليكم
    عليا والكل: وعليكم السلام والرحمه
    ميثا: محد سلم عليج
    عليا: هي كنتي تسلمين عالجبن
    ميثا: هيهيهي سخيفه
    عليا: هب اسخف عنج ايه ميثا اسكتي لا تخليني افرج بالنعال بعد مره هههههههههههههه
    عويش:هههههههههههههههههههههههههههههههههههههههه ههه
    تمت ميثا ترمس سلامه عقب يت ام عبدالله وام فهد وتمو يسلمون على بعض وهم مستانسين لانهم تلاقو
    وعقب ما خلصو سار كل واحد فيهم بيته
    ومر هاليوم مثل أي يوم
    وبالباجر
    بدو الناس دواماتهم ومر هالاسبوع مثا أي اسبوع وحتى هالجمعه مايا هزاع بيت ابوه وبدا الاسبوع الثاني
    ويوم الاثنين العصر
    كانت عليا يالسه برع وسلامه عدالها كان يالسين عالمرحانه ويرمسون وشوي والا يشوفون سياره داشه البيت وكانت سيارة هزاع
    عليا: هزاع!!!!
    سلامه: هزاع ليش ياي الحين؟؟
    نزل هزاع من سيارته وسار صوبهم وكان يرمس في التلفون: ههههههههههه فالك طيب ما عليه ما عليه يالله الغالي فمان الله .. الله وياك .. وسكر
    هزاع: السلام عليكم والرحمه
    عليا وسلامه: وعليكم السلام والرحمه
    هزاع: شحالكم ؟؟ علومكم؟؟
    سلامه:/ تمام الحمدالله متولهيين عليك وينك انت
    هزاع: موجود ليش يالسين في الحر
    سلامه: نتشمس
    هزاع: هيه ... انزين وين ابويه؟؟
    سلامه: موجود داخل ليش؟؟
    هزاع: ما يخصج وسار هزاع عند ابوه يلس هزاع شوي وتم يرمس ابوه
    هزاع: ابويه اممم انا ابا اعرس ونحن قلنا بنعرس عق شهرين واشوف بدن يخلصن ونحن بعدنا ما حجزنا في أي فندق ولا سوينا شي
    بوفهد وهو يتنهد: لا تخاف بنحجز لك وكل شي بس انا بعد اباك في سالفه
    عقد هزاع حياته: خير ابويه؟
    بوفهد: عليا تبا الطلاق
    هزاع:شووووووووووووووو!!!؟؟!!
    بوفهد: عليا تبا الطلاق وهي قايلتلي قبل ما يعرس هزاع خله يطلقني
    هزاع: شو يطلقني هو بكيفها خليناها هني عكيفها وسكتنا عنها اشوفها مصختها وابوي انا طلاق ما بطلق لو شو ما صار وكفايه انها حامل الحين اصلن ما يصير اطلقها وهي حامل وحتى بعد ما تربي ما بطلقها
    بوفهد: شو تبا بالبنت دامك بتعرس خل البنت فحالها البنت ما تباك
    هزاع: ليش كل شي بكيفها اسمحلي ابوي بس طلاق مب مطلق وحب راس ابوه وطلع وسار صوب عليا وهو مغيض
    هزاع: انتي سمعي الرمسه الي بقولها وحطي هالشي في بالج طلاق ومب مطلقنج لو شو ماصار واشوف عطيناج ويه مصختيها والحين انا بخليج عراحتج بس بعد ما تربين بيتج وبترجعين تفهمين وطلعي الفكار الثانيه من راسج
    عليا: شووووو كيفك هو ما طلقني طلقني ما اباك افهم طلقني شو ال تباه مني طلقني تراك بتعرس شو تبا وبيتك وما برجع لا تحلم لا
    هزاع: قولي الي تبينه بس طلاق ما بطلقج لو شو ما صار تفهمين وسار هزاع وهو مغيض وركب سيارته وطار بها
    تمت عليا واقفه في مكانها و سلامه منصدمه طلع بوفهد يوم سمع صوت هزاع وهو يزاعج ويوم طلع شافه يركب سيارته
    مر هاليوم وعليا تفكر شو تسوي بهزاع وشو الحل وياه
    يو الجمعه المغرب
    كانو ام فهد وعليا وعويش وسلامه وساره وخليفه يالسين في الصاله يشوفون فلم انجليزي ومندمجين فيه
    شوي والا يشوفون بوفهد داش وهزاع وراه وريوله مجبسينها وغصب يمشي
    شهقو كلهم وسارو يربعون صوبه
    ام فهد: شو مستوي شو بلاه ولدي كيف كسرت ريولك
    تم بو فهد يخبرهم بعد ما يلس هزاع وقالهم السالفه (( كان هزاع يلعب كره ويا الشباب وطاح))
    ام فهد: وانت ليش تلعب كره عسب تتكسر ها شو هالحركات
    هزاع: انزين شو عرفني اني بطيح
    ساره وهي يالسه عند ريول اخوها وتحب الجبس: يعورك؟؟
    ابتسم هزاع: شوي
    تمت تمس على الجبس شوي شوي وهدوء وهزاع يشوفها واول ما رفع عينه طاحت عينه في عين عليا الي كانت تشوفه
    بوفهد: بيرقد هزاع في هالحجرة الي تحت
    هزاع: لا ابويه بسير بيتي
    ام فهد: أي بيت انت بعد ايلس هني احسن لك وبلا حركات هناك منو بيشوفك ايلس احسن لك
    هزاع: ااااه
    ومر هاليوم وفي اليوم الثاني كل حد يا عند هزاع وميثا وام عبدالله يو العصر ويلسو عند هزاع ويو خالاته وربعه الي تمو ويا عسب يسلونه كانو في الميلس وتمو يالسه عنده لين الساعه 12
    ويو الاحد الصبح كان هزاع يالس في الصاله نزلت عليا وشافته يالس جان تسير تيلس ويا وخلتهم اييبون لهم الريوق وتمو ياكلون
    ومر هالاسبوع ووايد تقرب هزاع من عليا صح مرات كانت عليا قاسيه ويا بس مرات كانت تهتم فيه وتساعده يومها كلها كان عند هزاع كانت انسانه فاضيه كانت وقتها كله تقضيه ويا هزاع الصبح وعويش والكل في المدرسه وسلامه في الجامعه وام فهد من المطبخ لمكان ثاني فكانت مشغولة فكانو طول الوقت يالسين رواحهم

    يوم الاحد الصبح
    كان هزاع يمشي وكان ساير صوب المطبخ طاحت الجريده من ايده وكان يحاول يشله بس ما قدر كانت عليا نازله وشافته وكان هزاع بيطيح بس ماطاح وتساند عالكرسي سارت عليا تربع صوبه وشوي وتخرطفت عليا على اخر الدري وطاحت صرخت عليا صرخه ونش هزاع يبا يسير صوبها بس ما كان يروم
    تم هزاع يصارخ وعليا طايحه عالارض تصيح وحاطه ايدها عبطنها يت ام فهد تربع عصوتهم هي والبشاكير وشافو هزاع يحاول يمشي صوب عليا وعليا طايحه عالارض شلوها على طول وبسرعه شلوها المستشفى وهزاع وياهم كانت عليا تصارخ وتصيح من العوار واول ما شافوها الدكاتره على طول دخلوها كان هزاع يالس وامه عداله وكانت ام فهد تصيح وتدعي ربها ان ما يستوي شي بعليا وهزاع دموعه في عينها وهو يتذكر شكلها وهي تطيح وتصارخ من العوار وتم هو بعد يدعي ربه ان ما يستوي شي في عليا ولا في الياهل يا بوفهد المستشفى وهو يربع
    بوفهد: شو استوا وين عليا وينها؟؟
    هزاع: عليا داخل داخل
    بوفهد: شو استوا فيها
    هزاع: تخرطفت ابوي طاحت كانت تصيح وتصارخ يا ابوي تم بوفهد يشوف ولده الي كان بعده مصدوم وخايف من الي شافه
    وسلامه كانت راده البيت بس من عرفة من الدريول الي صار سارت على طول المستشفى سارت سلامه المستشفى وتمت يالسه عند اخوها وامها وابوها طلع الدكتور وقالهم ان سوولها الفحوصات والحمدالله ان الطيحه ما كانت وايد وايد قويه بس عليا والياهل بعدهم في خطر وهم في العنايه ويمكن الياهل يموت بس انشالله يعيش والطيحه كانت قويه شوي وهم بعدهم في مرحلة الخطر
    نزلت دموع سلامه وهي تتخيل لو مات الياهل ولا استوى في عليا شي تدري ان عليا كانت تموت في الياهل وهزاع كان مصدوم : انا السب انا انا منشافتني كنت بطيح ربعت صوبي جان تطيح جدامي ولا ما اروم اسوي شي طاحت جدامي وانا اشوفها ما رمت لا اشلها ولا ازخها كله مني انا السبب
    صدو كلهم صوب هزاع
    بوفهد: لا ابوي شو هالرمسه هالشي الله كاتبنه لها وانت مالك خص بوجودك ولا عدمه كانت بطيح يا ابوي وخل ايمانك بالله قوي وادعي لحرمتك احسن لك من هالكلام الي ماله معنى
    يلس هزاع يفكر( لالالالالا ما اتخيل عليا تسير عني لالالالالا ولا الياهل الي في بطنها الي كانت تقول لو كانت بنت بتسميها حمده ولا ميره ولو ولد عبدالله ولا سلطان نزلت دمعه من عينه وهو يتذكرها شكلها وهي تقوله هالرمسه وتخيل لو ماتت ولا صار فيها شي شو بيستوي به ولا لو استوا بالياهل شي)

    شو بيستوي في عليا؟؟ هل بيعيش الياهل ولا لا؟؟ هل عليا بتعيش ولا بتموت؟؟ ولا شو بيصير؟؟


    :7688587:

    بنت المنصورة

    عدد المساهمات : 38
    نقاط : 15411
    تاريخ التسجيل : 03/07/2011
    العمر : 21
    الموقع : فى مصر

    رد: ~..يوميات عليا...~الجزءالثالث عشر

    مُساهمة من طرف بنت المنصورة في الأحد يوليو 10, 2011 7:42 am


    :6454: :6454:

    :6454:

    avatar
    ★..RORO..★
    عضو متميز
    عضو متميز

    الاوسمة
    عدد المساهمات : 252
    نقاط : 17178
    تاريخ التسجيل : 09/12/2010
    العمر : 23
    الموقع : JusT riGht hEaR

    رد: ~..يوميات عليا...~الجزءالثالث عشر

    مُساهمة من طرف ★..RORO..★ في الإثنين أغسطس 01, 2011 4:46 pm

    شكرا ع المرور عمتي

    بنت المنصورة

    عدد المساهمات : 38
    نقاط : 15411
    تاريخ التسجيل : 03/07/2011
    العمر : 21
    الموقع : فى مصر

    رد: ~..يوميات عليا...~الجزءالثالث عشر

    مُساهمة من طرف بنت المنصورة في الثلاثاء نوفمبر 08, 2011 8:13 am

    اى خدمة يا بنتى



    بس بصراحة الروايه دى حلوة اوى

    وانا لسه محتفظة بيها



    وكيمو بيسلم عليكى
    avatar
    yousef

    عدد المساهمات : 40
    نقاط : 14194
    تاريخ التسجيل : 10/01/2012

    رد: ~..يوميات عليا...~الجزءالثالث عشر

    مُساهمة من طرف yousef في الثلاثاء يناير 31, 2012 3:35 am

    يسلموووو ..
    avatar
    yousef

    عدد المساهمات : 40
    نقاط : 14194
    تاريخ التسجيل : 10/01/2012

    رد: ~..يوميات عليا...~الجزءالثالث عشر

    مُساهمة من طرف yousef في الثلاثاء يناير 31, 2012 3:36 am

    تقبلي مروري ..

      الوقت/التاريخ الآن هو الأربعاء يونيو 20, 2018 3:41 am