~..يوميات عليا...~الجزءالخامس عشر

    شاطر
    avatar
    ★..RORO..★
    عضو متميز
    عضو متميز

    الاوسمة
    عدد المساهمات : 252
    نقاط : 18264
    تاريخ التسجيل : 09/12/2010
    العمر : 24
    الموقع : JusT riGht hEaR

    ~..يوميات عليا...~الجزءالخامس عشر

    مُساهمة من طرف ★..RORO..★ في السبت ديسمبر 25, 2010 5:02 am

    !! الجزء 15!!

    .
    .
    .

    هزاع: شو تقولين انتي شو هدى أي هدى ؟؟
    عليا: هزاع لا تستهبل انا اتصلت فيك وردت عليه هدى وتقولي انتي عليا ويوم اسالها انتي منو تقولي انا هدى وعقب ضحكت وسكرت
    هزاع: شووووووووووووووووو!!!؟؟؟ انتي عرفي شو السالفه قبل عقب شكي وسوي وعمري ما توقعت انج يعني تفكيرج يكون جيه وتشكين فيني
    عليا: وليش ما اشك فيك وميثا ورمستها وانت توك ما خذني وتراك انت اليوم شكيت فيني يوم كنت ارمس هادف وشو أي سالفه لازم اعرفها
    تنهد هزاع: انا ما شكيت فيج
    عليا: واضح
    سكتت وسكت هزاع
    هزاع: انا يوم كنت في المانيا ماادري هدى كيف عرفت اني هناك والمهم اتصلت فيني وكانت تبانا نرجع شرات قبل وجيه بس انا ما سويتلها سالفه وتميت اقولها اني معرس وجيه وعقب قالتلي انها بتيني الشقه قلتلها لا لا اتين وجان تقولي انت تعال وخلنا ننهي الي بينا ونرمس وسرت انا شقتها تضاربت وياها وجيه وطلعت من عندها وانا مغيض نسيت موبايلي عندها وعقب يوم رديت شقتي دورت على موبايلي وما لقيته وعقب رديت عندها وشليت موبايلي واظن انج اتصلتي يوم كان موبايلي عندها وهاي هي السالفه وبعد مره تاكدي من الشي قبل لا تقولينه
    عليا وهي مب مصدقه: هيه هيه بس انا مب مصدقه
    هزاع: شووووو!! يعني انا اقص عليج
    عليا: يمكن
    هزاع: انزين يا عليا الحين صرت انا جذاب
    عليا: وكيف تباني اثق فيك واصدقك بعد الي سويته
    هزاع: انتي تبين الطلاق
    عليا: ...هيه...
    هزاع: بعد ما تربين بطلقج
    صدت عليا صوب هزاع وتيمعت دموعها في عينها وتمت تشوفه
    هزاع: وطلعي الحين ما ابا اشوفج ومن اليوم محد فينا له خص في الثاني ويلا طلعي من حجرتي
    تمت عليا تطالع هزاع ونشت وتمت تمشي وهي تسحب ريولها كانت اتحس انها متشلله ما تروم تتحرك طلعت من حجرة هزاع وسارت حجرتها وطاحت عالشبريه: خلاص يعني .. بيطلقني.. خلاص .. بستوي مطلقه..كانت تحس بغصه وتحس انها ما تروم تنفس ودموعها تنزل غصبن عنها تحس انها بتختنق صبتلها بسرعه ماي وهي تتنافض وشربته(( خلاص هزاع بياخذ ميثا وانتي ولاشي انتي مب حرمة هزاع خلاص هزاع ما يباج مب انتي الي طلبتي الطلاق عيل ليش تصيحين الحين لاني احبه قلت ابا الطلاق بس ما اباه يطلقني خلاص اصلن هز ما يحبني طردني من حجرته واليوم يوم يقولي البيت كله مالي ومن تكونين انتي عسب تطردين ميثا جنه يعايرني لاني ساكنه في بيتهم وكل شوي قال شلوها اونه بيضربني وتمت تتذكر كل شي كل كلمة قالوها لها وتمت تتذكر حتى الايام الي كانت صغيره فيها كانت راقده عشبريتها وكل الاشيا الي صارت لها تدور في بالها
    اصلن انا كيف سمحتلهم يسوون جيه فيني وسكت عنهم ))
    ورقدت عليا وهي تتذكر اسوأ لحظات حياتها
    بالباجر الساعه 12 يت ساره عند عليا توعيها
    ساره: نثي عليا نثي وايد رقدتي اليوم
    عليا: امممممممم
    ساره: علــــــــــــــــــــــــــــــــــــــــــــــــ ـــــــــــيا
    عليا: انزين انزين بنش الحين
    طلعت ساره ونشت عليا وسارت الحمام شافت شكلها
    عليا: بسم الله عيوني بتنفجر وتمت تغسل ويها وعقب طلعت من الحمام وتجحلت عسب ما يعرفون انها كانت تصيح البارحه
    طلعت من حجرتها وشافت عويش وسلامه يتضاربون ابتسمت وسارت صوبهم
    عويش: مب كيفج انا ابا اشوف الوادي
    سلامه: ما تشوفين كيفي
    عويش: حطي نغم احسن لج لاني بديت اغيض
    سلامه: ويييييه عاد زيغتينا
    عويش: سلاااااااااااااااااااااااااااااااااااااااامـــــــ ــــــــــــــــــــــــــــــــــــــــــــــــــ ه
    عليا: ايه هدو هدو بسم الله
    عويش وهي تفر مخده على سلامه: اقولج حطي نغم
    سلامه وهي تفر على عويش المخده: ما بحط موتي قهر ويلسو يفرون على بعض المخدات ويسبون بعض وعليا في نصهم كل شوي ووحده تفلعها بالغلطعليا: بـــــــــــــــــــــــــــــس عاده اووووف
    طلع هزاع من حجرته وهو مغيض وهزاع ما كان ساير المسيد
    هزاع: الله ياخذكم شو هالحشرة ؟؟
    تصنمو عليا وعويش وسلامه لان هزاع كان يرمس وهو مغيض والدخان يطلع من خشمه
    هزاع: وانتي ليش تزاعجين من زين صوتج
    عليا: شوووو اقول يوم انت مقهور من شي لا اتي تواجعني انا ويعني من زين صوتك انت والله يقهرونهم وايون يطيحون فينا ويلست على كرسي بعيد شوي
    هزاع: جب انتي جب اونه مقهور محد مقهور غيرج ويا هالراس وويهج النحس اووف والله لو تدرين كيف انتي قاهرتني خاطري المج بكف اطير به ويهج
    صدت عليا صوبه: انت اييييه لا تيلس كل شوي وتهدد وتخسي تمد ايدك علي كل شوي وقالي لو انتي مب حامل جان ما ادري شو ولا عاد انت يهمك لو اني حامل ولا لا كله واحد عندك شو الفرق
    هزاع: اقولج تعرفين لو ابا اكسر لج اضلوعج بعد مب بس المج بكف وانتي منو قالج اني اكره الياهل الي في طنج ها روحها مسويه لنفسها قصه تعيسه انا عليا اليتيمه وانا عليا المظلومه انا بنت الانجليز تراج انتي الي مسويه في نفسج جيه ومحد يحبني ولا يحبون الي في بطني مسويتلها قصه لنفسها ومتخيله وعقب تيلس تقولنا انا محد يحبني وما ادري شو والله حاله
    عليا: جرب انت تدقني وشوف الي بيك انا الي مسويتلي قصه !!؟؟ بس شوف ترا حبيته وما حبيته كل واحد عندي وما يهمني جان تحبوني ولا لا كله واحد عندي
    هزاع: اوف بدت قصتها ها انزين الحين سيري حجرتج وصيحي ويلسي قولي وينج يا اميه وينك يا ابوي واوه صح وهزاع يالس يتمصخر عليه ها شي يديد يلا سيري الفي قصه تنفعين تكونين مالفه والله بتنجحين
    عليا: تتحرا نفسك يعني يوم تقول جيه اونك تنكت اقول سير رمس ميثا احسن لك حرام تراها تترياك
    هزاع: ومن قال اني انكت وتحريني بجابلج اكيد بسير ارمس غناتي وحرمتي ميثاني فديتها
    عليا: مالت عليك وعلى غناتك وحرمتك ميثاني فوقك
    هزاع: ههههه حليلج انا ساير ارمس ميثاني الحين
    تمت عليا تشوفه ودخل هزاع حجرته
    صدو سلامه وعويش صوب عليا
    سلامه: ما عليج منه يا عليا بس تراه هو مغيض
    عويش: يلا نسير نشوف اميه شو مسويه يلا خلاص
    .
    .
    بعد شهر
    .
    .
    في هالشر عليا وهزاع ما يرمسون بعض ولا يشوفون بعض وفي هالفتره كانت عليا تسير تشتري اشيا حق البيبي مالها ونست هزاع وميثا والدنيا كلها
    .
    .
    يوم الاحد
    .
    كانو سلامه وعويش وعليا وام فهد في الصاله
    كانت ام فهد تشوف الاشيا الي شارتنهم عليا حق البيبي
    عويش: والله شكله كيوت حلو
    ام فهد: ماشالله هيه هذا حلو
    سلامه: شريناله لعبه حلوه من الحين ههههههه
    ام فهد: هههههه
    كانت ام فهد مستانسه وهي تشوف على وهي تراويها أي شي شرته كل يوم من ترجع تزقر ام فهد وام فهد استانست من هالحركه وبدت ام فهد تتلوم من الي سوته في عليا وقلبها يعورها على الياهل الي بتيبه الي بيعيش بعيد عن ابوه هزاع من اسبوعين رد بيته بعد ماشل الجبس وكل ما ترمسه ام فهد يسب عليا ولا يقول شي عنها وهالشي استغربت منه ام فهد
    اتصل بوفهد وقال لام فهد ان هو وهزاع وعبدالله عند الباب
    سكرت ام فهد وتمت تشوف الاشيا الي حاطينها حولها وكلها اشيا للبيبي
    ام فهد: يلا نشو بنات الحين عبدالله بي وياهزاع وابوكم
    وشافو الباب وهو يتطل نشو ثلاثتهم يربعون ودشو كلهم حجرة عليا
    بوفهد: ماشالله ماشاالله شو هالبس الي حاطتنه حولج
    ام فهد: هههههه
    دشو هزاع وعبدالله وسلمو على ام فهد
    ام فهد: البنات توهم رادين من السوق وشايرين اشيا وتمو يراووني
    كان هزاع يشوف الملابس والالعاب وانقبض قلبه وتم يشوف الملابس
    تمت ام فهد تشل الملابس وتحطهم في الجيس
    ونشو يتغدون وتغدو البنات في حجرة عليا
    عويش وسلامه وعليا كانو ناقعين من الضحك:ههههههههههههههههههههههههههههههههههههههههههه
    عويش: كنت اشوف بطنها يتحرك قلت شو السالفه ههههههههههههههههههههههههههههههههههههههههه
    استغربت وتميت اشوف بطنها انا مستغربه يعني هذا صدق يالس يتحرك ولا انا اتخيل هههههههههههههههههههههههه ولا اشوفه يتحرك بعد مره هههههههههههههههههههههههههههههه
    عليا: اقولج زيغتني المشكله مب بس هي الي تطالع بطني حتى ساره هههههههه وخليفه هههههههههههههههههههههههههههههههه اقولج تميت اشوفهم ليش جيه يطالعوني ههههههههههههههههه
    عويش: تحريت شي تحت ملابسج يتحرك ههههههههههههههههه ما كنت ادري انه عادي يتحرك هههههههههههههههههههه
    سلامه:ههههههههههههههههههههههههههههههههههههه
    عويش: ها ها شوفي كيف بطنها يناقز هههههههههههههههههههههههههههههههههههههههههههههههههه هههههههههههههههههههههههههههههههههه
    عليا:ههههههههههههههههههههههههههه
    سلامه:هههههههههههههههههههههههههههههههههههههههههههه ههههههههههههههه
    سار هزاع صوب الصاله يدور كلينكس وسمعهم يضحكون
    هزاع: اميه اميييييييييييييييييييييييييه
    يت ام فهد صوبه: هلا هزاع؟؟
    هزاع: سكتي بناتج صوتهم واصل لي هني الحين بي عبدالله ييلس بيسمعهم وهم يضحكون
    ام فهد: انشالله
    وسارت ام فهد وسكتت البنات وطلعت
    عويش: عنبو حتى ما يبونا نضحك
    وعالمغرب
    كانو عويش وعليا وسلامه يالسين في الصاله يشوفون فلم وسارة تلعب
    يت ام فهد ويلست
    ام فهد: عرس اخوكم بعد 27 يوم
    صدو كلهم صوب ام فهد: شووووووووو
    ام فهد: الي سمعتيه وابوكم يقول لازم تحضرون العرس
    عويش: ما بحضره
    سلامه: اممم حتى انا ما ابا احضره
    استانست عويش من سلامه لانها توقعتها تسير
    ساره: حتى انا ما بثير
    ام فهد: سكتي انتي حتى الياهل علمتوها كيف تطول لسانها وكلكم بتسيرون لو شو ماصار هذا بيتم اخوكم وميثا بنت خالتكم ولازم تسيرون والي مب عايبنه يسير يرمس ابوه
    عويش: هزاع مب اخوي ولا ميثا بنت خالتي
    ام فهد: لمي ثمج يا عويش وهزاع بيتم اخوج رضيتي ولا ما رضيتي وميثا بنت خالتج وجان عندج غير هالرمسه سيري رمسي ابوج بتلقينه فوق
    سارت عويش وسارت سلامه وراها صوب ابوهم وساره وراهم
    ام فهد: اميه عليا انتي جان ما تبين تحضرين العرس لا تحضرينه
    هزت عليا راسها
    سمعو بو فهد يصارخ
    ام فهد: لا حول ولا قوة الا بالله ونشت وسارت صوب ريلها
    وتمت عليا بروحها في الصاله
    .
    غصب بو فهد بناته وقالهم لازم يحضرون العرس وبدو عويش وسلامه يتشرون حق العرس ويوم سارو يخيطون فستانهم ما رضو يخيطونه الا بعد ضرابه لان العرس جريب وهم مودين فستانين وكانو تقريبا طول اليوم يتشرون
    .
    قبل العرس 8 ايام
    .
    كانت عليا تحس بتعب وبطنها كان يعورها كانت عليا تصيح وتصارخ سمعوها عويش وساره ويود دخلو حجرتها لقوها تصيح وبطنها يعورها وجالبه الدنيا سارو يرعون يوعون ابوهم لان الساعه كانت 1 ونص نش بو فهد ونشت ام فهد وسمعت سلاه الحشره وطلعت من حجرتها ويوم شافوها حصلوها ميته من الصياح شلوها على طول المستشفى
    اتصل بو فهد في هزاع مليوم مره لين ما رد وقاله بالي صار يا هزاع المستشفى وتمو يالسين يتيريون الدكتوره

    طلعت الدكتوره
    الدكتورة: مرحبا مين زوج عليا؟؟
    هزاع: انا
    الدكتوره: عليا راح تربي هلأ
    وتمت تخبره اشيا وهزاع مب فاهم عليها وخلصو كل شي ودخلو عليا ودخلت ام فهد عندها
    كانو بو فهد وبوهادف الي وصل الحين وهزاع وام هادف يالسين يتريون عليا تربي طلعت ام فهد وهي تصيح ودخلت ام هادف
    هزاع: ليش تصيحين شو بلاها عليا شو؟؟
    ام فهد: ما بلاها شي يالسه وتصيح تبا امها وتقولي يبي اميه وتقولي كلام يقطع القلب
    بو فهد: لا الاه الا الله يا رب وتم يدعي
    كان هزاع يالس ما يعرف شو يسوي
    طلعت ام هادف وهي تصيح : لا حو لا قوة الا بالله
    هزاع: شووووووو شووو استوا
    ام هادف: لا تخاف يا ولدي
    طلعت دكتوره وزخها هزاع: ربت شو شو ليش طلعتي؟؟
    بو فهد: هزاع ابويه استغفر ربك وهدي
    وفي هالوقت وصلت شيخه ويا هادف وفهد
    فهد: وينها؟؟
    بو فهد: داخل بتربي الحين
    هزاع: شو بلاها عليا ؟؟
    شيخه: هزاع شوي شوي
    سارت شيخه عند عليا داخل ورمستها الدكتوره وبعد نص ساعه طلعت شيخه
    والتمو كلهم عليها
    شيخه: ادعولها وما ادري ما ادري تقول الكتوره انهم في خطر وعليا فيها نزيف ما ادري شو ما ادري وطاحت شيخه عليهم وشلوها حليلها وهادف يسير شي عند حرمته شوي اييهم رد فهد اليت وتمو الباقي في المستشفى
    كان هزاع يالس عالارض ودمعته في عينه(( يمكن عليا تموت؟؟لالالالالالالالالالا عليا تموت لالالالا غناتي تروح وتموت كيف بعيش انا من بعدها لا ما اتخيل عليا تموت ولا الياهل يموت لا يا رب رحمتك يا رب حرمتي لا تموت يا رب وتم يدعي ربه))
    ام فهد: ام هادف ليش تصيحين يلا انشالله ما يصير شي
    ام هادف: تعرفين حرمت حميد كيف ماتت جيه وتم ترمس ام فهد
    سمعها هزاع((لالالالالالالالالانزلت دموع هزاع حرمتي عليا كان يتذكر شكلها وهي تبتسم له ويوم تغيض وتسبه ولا يوم تغار عليه من ميثا وتسب ميثا يدري انها تحبه وتموت فيه وتم يتذكر اشيا صارت بينهم وتخيل ان ممكن تروح خلاص بعدين ما يشوفها شو بيصير له هل بيتحمل حياته بدونها لا ما اقدر اتخيل اني ما اشوف ويها بعد مره لا يا رب ليش بعدت عنها صارلي ما ادري شهرين وانا هب شايفنها غناتي لا تروحين لا))
    رن موبايل هزاع ويوم شاف الرقم فر التلفون وانكسر وكلهم صدو صوبه سار بو فهد صوبه
    بوفهد: نش ابويه ليش يالس عالارض نش ولا تسوي بعمرك جيه وتيلس تكسر الاشيا وانشالله عليا ما فيها شي نش ابويه
    نش هزاع ويلس عالكرسي وهو يحرك ريوله يترياهم يطلعون كانو ام فهد وام هادف يدخلون عندها كل شوي من تطلع ام فهد تدخل ام هادف وتمو جيه لين الساعه 5 طلعت الدكتوره وقالت لهم ان عليا يابت ولد
    طارو من الفرحه ونش هزاع ما يعرف شو يسوي من وناسته سار ولوى على عمه الي واقف جدامه ضحك بو هادف على هزاع
    دخلت ام فهد وام هادف وراها وعقب طلعو
    ام فهد: ادخل عند حرمتك يا هزاع
    هزاع: انا ادخل ؟؟
    ام فهد: ادخل جان تبا اميه؟؟
    دخل هزاع وسار عند عليا ومن شافة عليا هزاع ماتت من الصياح(( كانت عليا تتحرا ان هزاع مب موجود ولا بي يوم تربي))
    سار هزاع عند عليا وتم يشوفها وعليا تصيح
    مسح هزاع دموع عليا ونزلت دموعه هو من الوناسه يعني عليا ماماتت وصار عندي ولد
    وفي هاليوم يو كلهم عند عليا
    والعصر
    كانت عليا توها واعيه ومن بطلت عيونها شافت هزاع وعويش وسلامه يالسين والباقي سارو البيت لانهم تعبو
    رمستهم شوي وردت ترقد نشت الفليل الساعه 9
    شافت هزاع
    عليا: ابا ماي
    صبلها هزاع ماي وشربها
    عليا: رديت البيت انت اليوم؟؟
    هزاع: لا
    عليا: جان تبا ترد البيت سير
    هزاع: لا ما ابا
    عليا: بس انته هني
    هزاع: هيه
    عليا: وينهم؟؟
    هزاع: سارو لين متى بيتمون
    عليا: منو يرقد عندي اليوم
    هزاع: ليش تبين حد يرقد عندج؟؟
    عليا: عيل اتم بروحي في المستشفى
    هزاع: هيه شو فيها
    عليا: لا اخاف اتصل في.. في... تمت تفكر ومالقت حد تتصل به عسب يرقد عندها ... خلاص خلاص
    هزاع: في منو تبيني اتصل عسب يبات عندج اليوم ؟؟
    عليا: محد خلاص
    هزاع: ليش ما تخافين
    عليا: ليش شو يخوف
    هزاع: شو الي غير رايج
    عليا: اووه هزاع
    هزاع:هههههه
    عليا: هزاع سير ارقد شكلك تعبان سير
    هزاع: لا بعدين بسير
    عليا وهي تصد الصوب الثاني: سير وانت لازم ترتاح عرسك بعد اسبوع
    هزاع: هيه شو بتسمين الولد؟؟
    عليا: عبدالله.. سالم .. راشد... سلطان...خليفه...احمد
    هزاع: خيبه خيبه انتي يايبه واحد وبتسمينه كل هلااسامي
    عليا:لالا انت اختار أي اسم؟؟
    هزاع:اممممممم عبدالله
    تذكرت عليا ان عبدالله اخو ميثا: لالالالالالا مب عبدالله لالالالا احمد ولا سلطان
    هزاع: ليش عبدالله حلو
    عليا:لالا
    هزاع:امممممم سلطان
    عليا: لا احمد
    هزاع: لا والله عيل ليش تقوليلي اختار تراج انتي الي يالسه تختارين
    عليا:هههههههه خلاص احمد
    هزاع:اممممممم اوكيه احمد
    وتمو يرمسون
    هزاع: عيل انا الحين بسير
    عليا: لا
    صد هزاع صوبها وقفطت عليا
    هزاع: ما تبيني اسير
    عليا: كيفك جان تبا تسير سير
    هزاع: لا خلاص ما بسير
    عليا: لا جان تبا تسير سير
    هزاع: لا لالا ما بسير
    وتم هزاع عند عليا لين ما رقدت طلع من عندها وهو طاير من الفرحه كان مستانس سار صوب ولده وشافه وهو طاير من الفرحه وعقب سار بيته يرقد لانه كان وايد تعبان
    وبالباجر
    يو الحريم عند عليا وام فهد وام هادف من الصبح عندها والعصر مر هزاع على خواته وسار المستشفى وفي هاليوم رقدت سلامه عند عليا واليوم الثالث رقدت عويش عندها وما داومت اونها عاد بتم عند عليا وفي اليوم الرابع ردت عليا البيت ويا ولدها
    ما بقى على عرس ميثا وهزاع الا 3 ايام
    كان هزاع متغدي في بيت ابوه وعقب سار ييلس عند ولده الي كان مستانس عليه كل يوم ويايبله شي ما توقع هزاع انه ممكن يحب ولده لهدرجه وكلهم بعد ما توقعو ان هزاع بيحب ولده كل هالحب لان قبل ما ينولد ما كان حتى يطريه
    كانو عليا وهزاع في الحجرة وعليا ترقد احمد رقدت وحطته في شبريته سارت صوب هزاع وشافته هو بعد راقد ضحكت عليه ولحفته وطلعت
    عويش: شو سويتي في اخوي وينه
    عليا: والله كنت ارقد احمد رقد اخوج وياه
    عويش:ههههههههههههههههههههههههه
    وبعد 1 ونص سمعو احمد يصيح سارت عليا صوبه وشافت هزاع راقد والمخده فوق راسه ردت رقدت احمد وشافت هزاع واعي
    عليا: نشيت؟؟
    هزاع: هيه من حشرة ولدج
    ابتسمت عليا
    يلست عليا ويلس هزاع
    كانو ساكتين وبعد 5 دقايق
    هزاع: انتي بعدج تبين الطلاق؟؟
    تذكرت عليا السالفه وصدت صوب هزاع وهي مبققه عيونها

    شو بيصير؟؟ عليا وهزاع بيطلقون ولا لا؟؟ وهزاع بياخذ ميثا؟؟

    بنت المنصورة

    عدد المساهمات : 38
    نقاط : 16497
    تاريخ التسجيل : 03/07/2011
    العمر : 21
    الموقع : فى مصر

    رد: ~..يوميات عليا...~الجزءالخامس عشر

    مُساهمة من طرف بنت المنصورة في الأحد يوليو 10, 2011 7:37 am

    لا اكيد ما بيطلقوا
    لان كل واحد بيموت فى التانى






    وشكرااااااا يا عسولة على الجزء الحلو دة
    avatar
    ★..RORO..★
    عضو متميز
    عضو متميز

    الاوسمة
    عدد المساهمات : 252
    نقاط : 18264
    تاريخ التسجيل : 09/12/2010
    العمر : 24
    الموقع : JusT riGht hEaR

    رد: ~..يوميات عليا...~الجزءالخامس عشر

    مُساهمة من طرف ★..RORO..★ في الإثنين أغسطس 01, 2011 4:51 pm

    هههههه شكلك متأثرة بالقصه وايد
    ايه ان شاء الله خير تابعيها

      الوقت/التاريخ الآن هو الثلاثاء ديسمبر 18, 2018 11:07 am