~..يوميات عليا...~الجزءالثاني عشر

    شاطر
    avatar
    ★..RORO..★
    عضو متميز
    عضو متميز

    الاوسمة
    عدد المساهمات : 252
    نقاط : 18264
    تاريخ التسجيل : 09/12/2010
    العمر : 24
    الموقع : JusT riGht hEaR

    ~..يوميات عليا...~الجزءالثاني عشر

    مُساهمة من طرف ★..RORO..★ في السبت ديسمبر 25, 2010 4:54 am


    @@الجزء 12@@

    ..الخميس..

    الصبح الساعه 10 نشت عليا وسارت الحمام ويوم طلعت كانت تسمع اصوات وضحكه سارت صوب الدريشه وتمت توايج وشافت ...هزاع وميثا... كانو يالسين ويضحكون ومستانسين تمت تشوفهم وهي منقهره وبدا النار يولع في قلبها سارت تلبست وتعدلت ونزلت ويوم دخلت الصاله لقت اليده وام عبدالله وام سعيد ((اختها)) وميثا وهزاع يالسين يتريقون
    عليا: السلام عليكم
    الكل: وعليكم السلام
    سارت عليا صوب المطبخ وقالت لهم ايبون لها الريوق وسارت صوب الصاله ويلست عندهم عطاولة الطعام
    اليده: ليش ما تاكلين؟؟
    صدت عليا صوبها وهي تبتسم: لا قلتلهم ايبولي
    اليده: وشحقا ما تاكلين الموجود ترا كلنا كلنا من هالاكل
    عليا وهي شوي تصفع العيوز عنبو جنها هي الي تدفع للاكل : لا انا ما ابا الموجود مشتهيه شي ثاني
    تمت اليده تتحرطم ومحد يدري شو يالسة تقول كانت عليا تطالعها وشوي وتصفعها لا بعد الشيخه هب عايبنها
    يابو اكل عليا وتمت تاكل وهي تحس ان كلهم يطالعونها تنرفزت عنبو اول مره يشوفون وحده تاكل وما كملت ريوقها
    اليده: ليش ما كملتي ريوقج
    عليا: بس شبعت
    ام عبدالله: لا حول ولا قوة الا بالله
    تنرفزت عليا منهم شوها استغفر الله لو انا في بيتهم شو بيسون
    نشت عليا وغسلت ايديها وردت
    ميثا بدلع: تباني اصب لك حليب
    هزاع: هيه
    عليا الله ياخذها من سباله صدق سخيفه شوها والله
    ضحكت ميثا
    عليا(( بلا ضروس انشالله))
    نشت عليا وشلت كوب الحليب وطلعت برع وهزاع يشوفها
    بعد شوي نزلت ام فهد وتمت تتريق وياهم وعليا كانت يالسه وتتمشى وهي تفكر
    نشت عويش وعقب نزلت
    عويش وهي تصب الها حليب :وين عليا ؟؟
    ام سعيد: طلعتت اظني تتمشى برع
    عويش: هيه
    ام فهد: انتي ليش ما تسلمين عنبو الناس من تنزل تسلم وانتي ييتي وتصبين لج حليب
    عويش: تراني البارحه مسلمه عليكم كلكم
    ام فهد: لا والله
    وهزاع يضحك
    عويش: الحمدالله والشكر بدال ما تهزبيني شو في ولدج حليله ما ادري شياه يالس ويضحك
    هزاع: عويش لمي ثمج لافرج بالكوب
    عويش: بطلع احسن لي عنبو كلهم يكرهوني تريو خلو باباتي ينش بخبر عليكم وطلعت
    ام سعيد: هههه حليلها عويش
    ام عدالله: شو حليلها تشوفين لسانها مطوله
    ام سعيد: ما عليج حليلها شو بلاه لسانها خلوها شو رايكم نطلع ونفرش برع اظني الجو حلو
    اليده: هيه يلا لمو القشار
    وتمو يفرشون برع ويلمون الريوق ويحطونه برع
    شافت عويش عليا واقفه وهي سرحانه سار تمشي شوي شوي
    عويش: بووووووووووو
    عليا:ااااااااااااااااا وطاح الكوب وانجب الحليب... حسبي الله عليج يا عويش كنت بموت كنتي بتذبحيني حرام عليج يالبقره ويه قلبي شو هالدفاشه
    ولا يسمعون ام فهد تزاعج: عويش لا تزيغين عليا مب زين كل شوي وحد زيغها
    استانست عليا: سمعتي لا تزيغيني والحين شلي الكوب وديه
    عويش: نعم خليه هني بيشلونه البشاكير شلت عليا لاكوب وحطته عطاوله وسارو يتمشون هي وعويش
    يلسو عليا وعويش وتمو يرمسون وشافو ميثا يايه صوبهم
    عليا وهي تطالع ميثا الي يايه صوبهم: هاي شو تبا يايه صوبنا
    يت ميثا: عويش يدوه تزقرج
    عويش: شو تبا
    ميثا: أي دونت نوووو
    عويش: عليا بسير وبرد سارت عويش وميثا وراها
    اليده: عويش سيري هاتي الفازلين الي في الحجره وتعالي همزيلي ريولي
    سارت عويش الحجرة الي ترقد فيها يدتها اكره هالشي فيها شو همزي لي ريولي اووووف تتحراني فاضيه ايلس اهمز ريولها انا يايه استانس ولا اهمز ريولها
    سارت عويش صوب يدتها وتمت تهمزها
    شافت عليا عويش تهمز ريول يدتها طاع هاي ما ادري ليش اكرها اووووف بذبحها طاع شكلها اوف تزيغ
    ونشت عليا ودخلت ولقت هزاع يالس يقرا الجريده
    وسارت صوب الدري لانها بتسير حجرتها
    هزاع: عليا
    صدت صوبه
    هزاع: بسم الله شو بلاج ليش جيه تطالعيني
    ما ردت عليه وكانت سايره صوب حجرتها
    هزاع خيبه شو سويت ليش جيه تطالعني
    سارت عليا الحجره ورقدت بعد وعقب عالساعه 12 نشو كلهم وحتى عليا
    كانت عليا يالسه وهي ملانه وتطالع المكان وكانت ريم يالسه عدالها
    الريم: اوووف ملل
    عليا:اووووووووووووووووووووووووووووف
    الريم: تعالي نسير صوب الحيوانات
    عليا: مب سادينج الحيوانات الي جدامج
    الريم:خخخخخخخخخخخ لا
    نشت عليا والريم وعويش بعد سارت وياهم وساره لحقتهم وسارو عند الحيوانات
    عليا: هاي شو نعامه ولا بطه ولا شو هاي
    الريم: ما ادري
    عويش: تعالو نسير صوب سلامه وميثا
    عليا: وهي تفكر: يلا
    سارو عليا وعويش والريم وساره صوب ميثا وسلامه
    سلامه: وينكم انتو؟؟
    عليا: الا هني
    ويلسو
    ميثا:اوووووووووووف
    عليا: شو ليكون هب عايبنج بعد
    ميثا: هيه هب عايبني
    عليا: اها عيل موتي من القهر لان نحن ما بنش
    ميثا: اووف رزه يعني ما تعرفين رزة الفيس من طبايع التيس
    عليا: زين يوم تعرفين جان خبرتي اهلج
    ميثا: شو تقصدين
    عليا: الي فهمتيه
    ميثا: والله ما ادري انتي ليش مكبره راسج ما ادري عشو ولا شو تحرين عمرج انتي يا بنت الانجليز
    عليا: شووووووووووووووووووو شلت عليا النعال وفرته على ميثاونشت بتضربها نشو كلهم وميثا تبا تضرب عليا لانها فلعتها بالنعال ويا براسها وتم يتضاربون والريم تضرب ميثا وسلامه ووديمه زاخين ميثا عن تضرب عليا وعويش زاخه عليا واليهال التمو وعويش تسب ميثا هي والريم والشباب كانو في الحوض وشافو الضرابه وطلعو كلهم يربعون صوبهم وعليا كل شوي شلت شي وفرته على ميثا وساره يالسه وتعضها وخوات ميثا يضربون عويش وعليا والريم وساره وسلامه تحاول توقفهم ووديمه بعد كانت شوي تزخ اختها شوي وتضرب
    التمو الشباب عليهم وتمو يوقفونهم شل هزاع عليا قبل لا يستوي بها شي وعليا تزاعج وتفلعه وتقوله فجني زخ عبدالله اخته وشلها بعيد وهادف (( اخو الريم 16)) وثاني (( اخو سعيد 16)) ناقعين من الضحك مستانسين عظرابة البنات وكانو منسدحين عالارض من الضحك
    اما سعيد فكان واقف بين وديمه وخواتها والريم وعويش وساره وخليفه الي يا يشاركهم الضرابه هو واحمد
    سعيد: بببببببببببببببببسسسس عاد عويش سيري وشلي عصابتج وانتي وديمه نشي وشلي اخوانج
    عويش: بتشوفييييين يالسباله يا الحيوانه يا حديقة الحيوانات بكبرها انتي واختج دواكم عند عويش
    الريم: صدق انج سخيفه انتي واختج الحيوانه البقره
    وديمه: ج جب لمي ثمج يالسباله انتي والي عدالج يالحيوانات
    سعيد: قلتلكم ببببببببببببس
    يو هادف وثاني وهم يضحكون
    هادف: بس عاد عويش يلا وانتي عويش ههههههههههههههههههههههههههههههه
    ثاني: وانتي ودوم شلي خواتج شو هالضرايب ههههههههههههههههههههههههههههههه
    سعيد: جلبو ويوهكم قبل لافركم بشي انتو والحين نحن الي بنتضارب مب هم
    خليفه: انتي ليش اختج تضرب بنت عمي هاااا يالجلبه العوده
    احمد: سباله كبيره
    هادف: ايه انتو بس عاد
    وطلعو الحريم يربعون يبون يعرفون شو السالفه وسارو صوب سعيد وتم يخبرهم و الشواب ما كانو موجودين كانو طالعين وفهد وهادف راقدين بس نشو من الحشره
    عليا: فجني شو تبا فجنييييييييي
    هزاع: انتي شو صاحيه يالسه تضاربين وهالكرشه جدامج وزاعجين ها خبله انتي
    عليا: كيفي فجني ما يخصك فيني كيفي بضارب فجنيي ايي
    هزاع: شو تشوفيني سبال جدامج عسب افجج واخليج تضاربين عسب تذبحين الي في بطنج
    عليا: انزين فجني ايي
    فجها هزاع وقف وهي بعد تمت واقفه سحبها هزاع ويلسها
    هزاع: شو السالفه منو كان يضرب منو شو استوا؟؟
    تمت عليا تطالعه وهي زاخه ايدها
    هزاع: شو تعورتي؟؟
    عليا: ما يخصك
    هزاع: شو بلاج انتي تعورتي؟؟
    عليا: ما يخصك
    هزاع: كيفج
    تم يطالعها ويشوفها كيف تتنافض
    هزاع: ليش تتنافضين؟؟
    عليا: ما اتنافض
    هزاع: واضح اشوف ايدج
    عليا: لا
    تم هزاع يطالعها وكان يشوف الدموع في عينها بس كانت تكابر وما تصيح
    هزاع: صيحي جان تبين محد يشوفج غيري لا تخافين
    عليا: شو منو الي بيصيح ما ابا اصيح
    ضحك هزاع وشافها بتسير
    هزاع: وين سايره؟؟
    عليا ما يخصك
    سار هزاع وزخها: يلسي هني ابا ارمسج
    عليا: شو تبا بسير
    هزاع: شو استوا ليش كنتو تضاربون ؟؟
    عليا: ماشي ماشي ما استوا شي خوزو عني اووف ما ابا ارمس لا تطالعني ما ابا
    وسمعو ام عبدالله تزاعج واليده وياها وجنهم يسبون عليا
    علياوهي صدق متنرفزه: سكتهم والله بذبحهم خلهم يسكتون
    هزاع وهو عاقد حياته: شووووو
    عليا: خلهم يسكتون تراني صدق ما اتحملهم والله لاسير واجلب الدنيا عليهم الحين لا يسبون تراني وايد سكت عنكم وايد اشوفكم ما خذين راحتكم وتسبوني شو تحروني بسكت عنكم
    هزاع وهو منصدم: شو تقولين انتي
    وشافها سايره وهي صدق مغيضه ربع هزاع صوبها يدري انها مغيضه وعادي تعق رمسه وتسوي حرب تمت عليا تمشي بسرعه بس ما تروم تربع زخها هزاع ردي اقولج ردي شافتهم ام عبدالله وسارت صوبهم وهي تزاعج
    ام عبدالله: انتي شو تحرين عمرج عسب تضربين بنتي انتي منو تكونين ها الا بنت انجليز احمدي ربج يوم عمج لمج في بيته وخلاج تاخذين ولده ويدتج تحملت مسؤليتج واخر شي ذبحتيها وعمج وسودة ويه جدام الناس وولد عمج تعذب وياج والحين يايه تضربين بنتي
    هزاع: خالتيييييييييييييييييييييه شو هالرمسه
    عليا: لا تحرين ان اهتم بالرمسه الي تقولينها ولا شي قولي الي تبينه عاذرتنج ها كله من القهر الي فيج عادي وبعد انتي وشلج
    صد هزاع صوب عليا: بس انتي
    اليده: مسودة الويه وتردين بعد هي هيلا عيال الاجانب جيه يطلعون انتي
    عليا وهي تقاطعها: قولي الي تبينه وانا حاشمتنكم وبنت الانجليز عالاقل طلعت احشم عن بناتكم وشوفو بناتكم شو يسون عقب تعالو ارمسو عن الناس ومهما سوينا نحن ما بنوصل للي سووه بناتكم زخها هزاع طلعو هادف وفهد صوب خالتهم ويدتهم وام فهد وام سعيد كانو عند ميثا الي كانت ميته من الصياح والدم يصب من راسها وضاربينها عويها وايديها وعويش والريم سارو يربعون وين قوم عليا واقفين هم واليهال وفهد وهادف سارو وقفو عند عليا
    ام عبدالله واليده يزاعجون ويقولون كلام سارت حصه تربع صوب امها وتحاول تسكتها بس كانو يعقون رمسة على عليا وعليا ترد وهزاع يسكتهم زاعج فهد وتم يرمس خالته هو مغيض ويصارخ يو ام فهد وام سعيد والكل التم عليهم حتى ميثا كانت ساره ميته من الصياح وهي تشوف الي يصير ضرابه عقب دم والي تزاعج وحاله واخوانها يزاعجون وهم مغيضون وخالها راشد توه حضرته ناش من الرقاد بعد كل هالحشره وياي يبا يعرف شو السالفه كانت تشوف يدتها الي تدعي على عليا واخوها يواجعها شافت ام عبدالله وهي تبا تسب وما تدري تضرب عليا سارت تربع صوب خالتها وتضربها تمت ساره تضرب خالتها وهي ميته من الصياح شلها هادف وعقب شلوها عويش والريم وتمو يدخلون اليهال كلهم وعويش والريم وياهم وتم فهد يوقف هو وخاله وهادف شلو ميثا ودخلوها وسارت شيخه وشلت عليا ودخلتها وهزاع وهادف وفهد وخالهم راشد وام عبدالله واليده وام سعيد وسعيد وعبدالله وام فهد يالسين ويضاربون عقب هدو وسكتو كلهم وتمو يهدون في اليده وام عبدالله قبل لا يرتفع ضغطهم ولا شي وهدو كلهم وعقب تمو يرمسون شوي وبدو يضحكون يبتسمون لانهم تراضو وتمو يقولون الا هي ضرابة بنات وجييه وهدو في الحريم ويلست ام فهد تشوف الي يصير وقلبها يتقطع من القهر
    اما عن عليا فكانت يالسه عالشبريه وتصيح وشيخه تسكتها يابتلها ماي وتمت شيخه تقولها لا تصيحين ومحد يستاهل انج تصيحينه فكري بالي في بطنج ومن هالرمسه الي سكتت عليا وهدتها وشافت شيخه ايد عليا ولفته الها وخلتها تريح وقالتلها يوم بيردون تسير المستشفى وتشوف الياهل جان هو بخير والا لا هدت عليا وتمت تخبر شيخه بالي صار وشيخه اول شي ما كانت تضحك تخاف انها تضايج عليا بس بعدين تمت تضحك وضحكت عليا وياها
    شيخه: صدق يعني قهرتيهم كلهم وليش تصيحين يعني قطعتيهم وخلاص ولا يهمج الي يقولونه والا يسوونه وعرفي هم وايد بيستانسون لو استوى بج شي ولا بالياهل فعسب جيه لازم انتي ما تسوين الي يبونه وتهتمين في عمرج وفي الي في بطنج
    هزت عليا راسها وتمت يالسه شيخه عندها شوي وترمسها عقب نشت عليا تتسبح وسارت وتسبحت وطلعت ولقت عويش والريم يالسات ابتسمت عليا لهم وتمو يطالعونها
    عليا: شو بلاكم ؟؟
    عويش: ماشي
    الريم: ماشي
    عليا: هيه
    يلست عليا وتمو يشوفونها
    عليا: ليش جيه تطالعوني؟؟
    الريم: ما تعورتي؟؟
    عليا: شوي بس ايدي شوي تعورني
    عويش: عليا متضايجه ؟؟
    عليا: لا
    عويش: قصي عغيرنا اوكيه ما علينا خلاص
    .....
    وعند ميثا كانت سلامه يالسه وياها وميثا توها ساكته وهي ميته من القهر
    ميثا: كيف شكل راسي الحين
    سلامه: عادي
    ميثا: شو عادي شو في شكله اوووف يعورني بعد
    دشت ام عبدالله عند بنتها وام فهد وام سعيد وبناتها واليده وياها ويلسو ويا ميثا
    في الصاله
    كانو سعيد وعبدالله وهزاع وهادف وفهد وهادف وثاني يالسين وخالهم راشد وفي الصاله الثانيه شيخه وحصه
    طلعو هادف وثاني لانهم ملو
    اما الي في الصاله يالسين ويطالعون بعض
    راشد: عبدالله اليوم شل امك وخواتك ورد البيت
    فهد: ليش شو اشوفكم وايد مكبرين السالفه الا هي ضرابة بنات وتونا مسكتين الحريم والحين انت يا خالي وخلاص سالفة وانتهت
    راشد: لا ابويه ما فينا عالظرايب اليوم البنات باجر الشباب
    فهد: يالله عاد يا خالي وايد مكبر السالفه
    وتمو يرمسون ويحاولون يهدون بخالهم بس عبدالله قال انه بيرد دش بوفهد ويا اخوه وشوي والا عرفو بالسالفه وانصدمو صد بو هادف صوب بو فهد
    بوفهد: ومنو الي ضارب منو
    سعيد: والله يا خالي الي عرفته من البنات يقولون ان عليا وميثا تمو يعقون على بعض رمسة عقب جان يضاربون وكل وحده تضرب الثانيه
    بوفهد: هزاع سير ازقر عويش
    سار هزاع وشاف حصه وشيخه وقالهم يزقرون عويش زقرو عويش ونزلت هي والريم وسارو في الصاله
    عويش وهي تحب ابوها: خير ابويه تبى شي
    بوفهد: شو مستوي اليوم شو الضرابه هاي الي مسوينها قوليلي
    عويش وهي خايفه: ماشي ابويه بس عليا وميثا تمو يعقون على بعض رمسة وشوي وبدو يتفالعون ويتضاربون
    بوفهد: شو هالرمسة الي كانو يقولونها؟؟
    عويش: يعني تبا تعرف كل شي بالضبط
    بوفهد: لا حول ولا قوة هيه بالضبط
    عويش: سلامه وميثا وخواتها كانو يالسين انا وعليا والريم وساره كنا عند الحيوانات عقب سرنا صوبهم انزين اول ما يلسنا قالت ميثا اوووف قالت لها عليا شو هب عايبنج قالت لها ميثا لا جان تقولها عليا عيل موتي من القهر لان نحن ما بنش جان تقولها ميثا انتي رزه ورزة الفيس من طبايع التيس جان تقولها عليا زين يوم تعرفين
    (( وكانت بتقول جان شفتي اهلج بس شافتهم كلهم موجودين فسكتت)) فما ادري قالت عليا شي جيه يعني ما ادري نسيت جان تقولها ميثا انتي شو تحرين عمرج ومن تكونين وايد مكبره راسج يا بنت الانجليز جان تشل عليا النعال وتفره على ميثا وهني عاد نشو وتمو يفلعون بعض وعقب نحن كنا نوقفهم بس عقب تضاربنا وياهم وتمينا نتكافخ وياهم وعقب صار الي صار
    بوفهد: ماشالله عليكم ماشالله بارك الله فيكم من بنات تضاربون وتتكافخون انزين خلاص
    بوفهد: ابويه عبدالله خلاص يا ابوي الا هي ضرابة بنات ونحن يايين هني نستانس ليش مكبرين السالفهخلاص يا ابوي لا ترد بيتكم خلكم هني والبنات انا بسير صوبهم الحين وبراضيهم ويلا نشو استانسو
    نش عبدالله وحب راس بو فهد وتم يقوله لا لازم يردون ومن هالرمسه لان عبدالله كان متضايج وما عيبه الي صار لخواته بس عقب شاف ان بوفهد مستحيل يخليه يسير وكلهم تمو يرمسونه و شوي بدا يقتنع
    سار بو فهد صوب البنات
    بوفهد: عليا ميثا
    كانت عليا في الحجرة
    شهقت عليا: لالالالا عمي هلا عمي وعويش وكلهم طلعو وراها حتى حصة وشيخه يو
    وميثا بعد طلعت من حجرتها هي والي معاها
    سلم عليهم بو فهد عقب سار يشوف راس ميثا جان تعورت والا لا تم يشوف راسها وصد صوب عليا
    بوفهد: انتو يهال جيه تسوون في بعض انتي وكسرو ايديج وانتي وراسج عنبو مب حريم انتو يهال
    وتم يوجعهم شوي
    بوفهد: ويلا نحن يايين نستانس مب نتضارب يلا اشوف تراضو وبلا حركات وانتو ميثا وعليا هاي مب اول مره تضاربون فيها يلا ما عندنا نحن هالحركات يلا
    تمو ميثا وعليا يشوفون بعض
    بوفهد: يلا سيري عليا حبي ميثا وانتي يا ميثا بعد يلا
    تحركو ميثا وعليا وتمو يحبون بعض وكل وحده ودها تعض الثانيه مب تحبها وخلصو
    بوفهد: هيه جيه اباكم والحين يلا يالحريم انا ميت من اليوع ما بتغدونا تحركو الحريم وسارو المطبخ
    بوفهد: ياويلكم ان سمعت وحده منكم قايله شي للثانيه ولا فالعه الثانيه انزين
    عليا وميثا: انشالله
    وردت كل وحده حجرتها
    عليا: عنبو يهال في الروضه نحن نتضارب عقب نتراضا ونحب بعض جدام الكل والله حاله
    عويش: جنج غلطتي على ابوي
    عليا: يالغبيه ابوج هو عمي وانا ما قلت شي عنه فديته
    الريم:ههههههههه
    وشوي ويسمعون بو فهد يزقرهم ويقولهم تعالو تغدو
    عليا: يييه عمي الحين بيحط علينا انا وميثا وكل شوي وبيزقرنا اوووف
    ونزلو وهم طالعين من الحجرة شافت عليا ميثا جان تصد الصوب الثاني وميثا بعد نزلو وشافو الكل يالس
    سارو يلسو وسارت عليا ويلست عند عمها
    بوفهد وهو يرمس عليا: شو تبين تاكلين ابويه
    عليا: ما با اتغدى مب يوعانه
    بوفهد: تغدي ابويه لا لازم تتغدين يلا شو تبين
    عليا:امممم شويه من هالعيش والدياي
    بوفهد: انشالله ام فهد حطيلنا شوي من هالعيش والدياي
    ام فهد: انشالله
    تغدو وخلصو
    وعقب
    بوفهد: يلا نسير نفرش برع
    وسارو وفرشو برع وسارو كلهم ييلسون
    شوي والا يشوفون نعامة ياي صوبهم لانهم كانو يايبين فوالتهم
    نشت عليا هي وعويش والريم وسلامه وميثا وكلهم من الزياغ
    والنعامة من شافتهم نشو سارت صوبهم
    عليا: يتنا يتنا لااااااااااااااااااااااااااااااااااااااااااا
    نش بوهادف وزخ النعامه ويو الهنود وتم يشلون النعامه
    ام فهد: هاي من وين طلعت لنا
    اليده: حليلها
    يلسو البنات
    عليا وهي تطالع الحوض: في خاطري اتسبح وهيلا طول الوقت في الحوض شو ها انا بعد ابا
    عويش: هيه انتي اخر وحده ترمس
    تمت عليا تطالع عويش
    يت ساره صوب ابوها
    سارة: بابا بابا ثفثوفي ضاع
    بوفهد: وين كان الصفصوف
    عليا: حلفي انه ضاع وما دفنتيه
    ساره: والله ما دفنته ضاااع التفتوف بروحه
    ام فهد: من الي تسوينه فيه شرد الفرخ
    ساره: لا ماشرد
    نش بوفهد يدور على الصفصوف ويا بنته
    شوي والا يسمعون الشباب مرتبشين وهم في الحوض ثاني وهادف يدقون ويغنون والشباب يناقزون في الماي
    هادف: شفته ولاا ادري شحل بي مشي القطا وعين الظبي في وين شفته يا هادف شفته انا في ميركاتو
    ثاني: ايه ايه خربت الغنيه شو هادف ومركاتو
    هزاع: هادف غني الغنيه صح ولا تغني لا تيلس تغير بالكلمات واللحن
    هادف:ههههههههه انزين
    هادف: من البارحه يا ناس عايش في غيبوبه من صدمـــ
    هزاع: ما نبا نصيح نبا نرتبش
    هادف: يعني تبون حبيبي ارب بص وبص وبص زعلان ازعل ازعل نص ونص ونص
    هزاع: اسكت اسكت احسن لك
    ثاني: هادف نبا نرتبش بغنيه اماراتيه هب نانسي عجرم
    فهد: يلا هادف وانت ثاني يلا
    عبدالله: ييها بتغنون ولا كيف
    سعيد: اقول انتو وايد مصدقين نفسكم يلا
    وتم يغنون اغنية غرشوب وعقب تمو يغنون غيرتك وارتبشو وكل واحد يغني وصوته اخس عن الثاني
    هزاع: نس نس نسيم المطلعي هب واستانس الزين بنسيمه وانا الذي قلبي معذب ووو وانا الذي قلبي معذب
    وتمو يغنون وياه
    ةارتبش بوهادف وهو هناك جان ينش صوبهم وسار يتسبح وياهم وعقب سار بوفهد وياهم
    شافتهم سارة وجان تسير تربع صوبهم وسارت وتسبحت هي وياهم وكان ابوها شالنها
    ساره: بابا انا بغني بعد
    بوفهد: يلا اسكتو ساره بتغني
    سكتو كلهم
    ساره: ايوا ايوا غنو معي هلأ هلأ غنو معي
    هزاع: شو هالغنيه الماصخه بعد غنو معي اونه
    ساره: بابا ثوفه ما يخليني اكمل
    بوفهد: اسكتو خلو بنت تغني
    ساره: واحد اثنين هزو هزو واحد اثنين يمين شمال تنننا شمال يمين تنننا فوق تحت تنننا
    نقعو الشباب من الضحك
    هادف: من وين يايه هالغنيه يلا واحد اثنين هزو هزو ههههههههههههههههههههههههههههههههه
    ساره: والله وحده شعرها اصفر تغني
    وتمو يغنون والحريم يشوفونهم
    وعقب ساعه اذن العصر عليهم وطلعو الشبابمن الحوض وسارو يصلون والحريم نشو يصلون بعد
    ومر هاليوم والكل مستانس والفليل
    كانو عويش وعليا والريم وسلامه وميثا وديمه في الصاله
    والشباب كانو يالسين برع لان اخر يوم لهم يعني اونه بيسهرون
    عليا: يوعانه
    سلامه: حتى انا
    عويش: كلنا مب بس انتو
    عليا: بسير اسوي لنا شي
    سلامه: سولنا سندويجات وبطاط
    عليا: نعم كلنا بنسير يلا نشو
    نشو كلهم ميثا وعليا ما كانو يرمسون بعض وايد وجيه بس يعني اذا وحده تبا شي تطلب من الثانيه وبس
    في المطبخ
    عليا اووف بموت من اليوع
    عويش: زيدي عالنار انزين
    وتمو يطبخون الي تقطع البطاط والي تسوي هالمبرجر والي تطلع السندويج وتحط فيه كل شي
    الريم: جني الجدر يحترق خففو عالنار وشافو الجدر يحترق سارت عليا تربع وشلت الجدر وحطته تحت الماي ومن غبائها كان في الجدرزيت ويوم فجو الماي ولع نار الجدر وهني بدو يصارخون وماتو من الزياغ ولع نار وبدا يعلا وعليا كانت جدام النار فماتت من الزياغ وتمت تصارخ وتقولهم بنحترق وخلاص كانو يتحرون انهم ماتو وتم يزاعجون سمعو الشباب الحشرة وسارو يرعون صوب المطبخ وشافو النار دش هزاع يربع وسعيد وعبدالله وراه وثاني تخرطف وهو يربع وتم يالس عالارض ريوله تعوره وهادف ما يدري يسير المطبخ ولا يشوف ثاني
    دشو هزاع وسعيد وعبدالله وشافو النار سار هزاع وبند الماي وتم النار يخف وشوي وطفو النار بس طفو بعد ما طفو النار صدو وراهم وشافو البنات كل وحده ميته من الزياغ وتصيح وتتنافض كانت عليا واقفه وي ما كانو حاطين الجدر وميثا عدالها لان هي وميثا الي شلو الجدر وسلامة بطلت الماي وعليا بعد تمت تزيد عالماي من غبائها اما عويش ووديمة والريم كانو عند الباب بس يعني حالتهم كانت احسن من حالة عليا وسلامة وميثا
    هزاع: ماي ماي
    دشو هادف وثاني الي كان شوي وبيتكسر
    هادف: شو استوا شو
    ثاني: وهو يشوف اشكالهم: خيبه
    تم سعيد يصب الماي وعبدالله يعطيه لهزاع سار هزاع ويشربهم ماي سار عبدالله يشرب اخته وتم هزاع يشرب سلامه وعليا وسعيد يشوفهم
    ثاني: شوفو الي هني بعد هاتو ماي قبل ليموتون الي عندي وشربو الريم وعويش وديمه ماي
    كانت عليا تتنافض بطريقة غريبه
    هزاع: عليا
    صاحت عليا
    وصاحت ميثا الي بعد كانت تتنافض
    وسلامة يوم شافتهم يصيحون صاحت وياهم بس كانت هي شوي اهدى عن ميثا وعليا
    طلعوهم من المطبخ ويلسوهم وبدو يسكتون شوي شوي
    هزاع: شو استوا
    عويش وهي تمسح دموعها: كنا نطبخ لنا اكل ونحن نطبخ شفنا الجدر يحترق خخفنا عالنار وشفنا الجدر يحترق شلت عليا الجدر وميثا كانت وراها وعليا كانت تحاول تبطل الماي ومارامت جان اتي سلامه وتبطلهوشفنا الجدر كله ولع نار وعليا كل ما كانت تزيد عالنار كل ما كان النار يعلا وميثا كانت تزيد ويا عليا النار وااااااا
    هزاع: حسبي الله عليكم الحين انتو حريم وجيه تسوون يعني انا الريال اعرف ان الزيت والماي يولع نار وانتو ما تعرفون
    عليا: نعرف نعرف وكانت تصيح
    سعيد: عنبو كنا بنموت وانتو السبب
    عبدالله: والله حاله
    ثاني: الله يلعنكن من بنات اسمعهم يزاعجون ونار قلت خلاص بنحترق ويالساربع وتخرطفت وتكسرت ريولي
    هادف: هيه والله الله ياخذكن من بنات ما عرفت شو اسوي ايلس عند هالخبله ولا أي عندكم حسبي الله عليكم
    هزاع: اسكتو عنهم روحهم ما يدرون شو السالفه
    ثاني: شوفو ويوهم هههههههههههههههههههههههه
    وتمو يضحكون وهم يتذكرون اشكالهم وسعيد يالس يقلد كل وحده وكيف كان شكلها نشو البنات وسارو يرقدون بعد هالشي وهالحدث الي صضارلهم كانو كلهم سايرين صوب حجرتهم وهم يضحكون على نفسهم
    عليا: سيرو صلو صلاة الشكر زين يوم ما متنا الحمدالله اني عايشه
    ميثا: الحمدالله ان ما متنا
    عويش: حليله هالي في بطنج يا عليا كم مره مزيغتنه انتي
    عليا:هههههه هي والله يوم بنرد بسير المستشفى والله
    سلامه: حسي الله علينا من بنات كل وحده اغبى عن الثانيه
    وديمه: احمدو ربكم انكم ما متو وبس يلا نسير نرقد لاني بموت من التعب
    الريم: انحس يوم في حياتي حسيت بالموت اليوم ودشت كل وحده حجرتها
    وفي حجرة قوم عليا
    سلامه: عليا
    عليا: ها
    سلامه: شو رايج نزقر قوم ميثا هذا اخر يوم لنا وحرام خلهم ايون عندنل تمت عليا تفكر
    عليا: كيفج ولا تخافين ما بتضايق
    سارت سلامه وزقرت قوم ميثا اول شي ما طاعو ايون عقب سارو
    سلامه: انا برقد مع ميثا وديمه
    عليا: مشكوره الشبريه كلها حقي
    سلامه: لا غناتي شلي يا عويش ولا الريم فوق
    عليا: لاااااااااااااااااااااااااااااا تبيني اموت ناقصه عقل عسب يذبحون الي في بطني من كثر ما يرفسوني انتي شوفي كيف يرفسون الشبريه يوم نحن رقود لاااااا نو ويي الشبريه كلها حقي
    سلامه: عيل خلي وديمة ترقد عندج ما تحرك ودوم
    استحت وديمه: لا خلاص انا برقد عند اميه عادي
    عليا: ليش جان تبين تعالي بس لا ترفسين ولا جان ما تبين ترقدين عدالي ها شي ثاني
    وديمه: لا لا برقد عدالج عادي
    سارت وديمه ورقدت عند عليا وميثا وسلامه وريم وعويش راقدين عالارض
    تمو يرمسون ويضحكون لين ما رقدو
    .................................................. ............................. وانتهى اليوم

    بنت المنصورة

    عدد المساهمات : 38
    نقاط : 16497
    تاريخ التسجيل : 03/07/2011
    العمر : 21
    الموقع : فى مصر

    رد: ~..يوميات عليا...~الجزءالثاني عشر

    مُساهمة من طرف بنت المنصورة في السبت يوليو 09, 2011 3:58 pm

    هعهههههههههههع

    بنات بتتخلوا كان شكلهم ازى

    احلى حاجة الامورة سارة حلوة اغنيتها







    ههههههههههههههههع
    avatar
    ★..RORO..★
    عضو متميز
    عضو متميز

    الاوسمة
    عدد المساهمات : 252
    نقاط : 18264
    تاريخ التسجيل : 09/12/2010
    العمر : 24
    الموقع : JusT riGht hEaR

    رد: ~..يوميات عليا...~الجزءالثاني عشر

    مُساهمة من طرف ★..RORO..★ في الإثنين أغسطس 01, 2011 4:56 pm

    ههههههههههههه ايه ساروة خطيرة غنيها غير شكل هههه

    ثانكي ثانكي ع المرور عمتوو

      الوقت/التاريخ الآن هو الثلاثاء ديسمبر 18, 2018 10:15 am